طبعا زى مإنتو عارفين ان كل معالج CPU لازم تكون فوقه مروحة وكل مزادت سرعة المعالج يحتاج لمروحة أكبر ذات كفائة عالية و منقصدش المروحة بس بل حتى الحديدة إلى معا
و فى منها أشكال و أنواع ... و ليها أهمية فى المحافضة على حرارة المعالج و الاستقرار فى الاداء.
مثلا أنى المعالج إلى نخدم بى حاليا هو AMD XP 2600+ و حرارته بللمروحة إلى جاية معا أصلية على أساس توصل ل 60 درجة و أكثر فى الصيف ... المهم ركبت مروحة ثانية من نوع Gigabyte 3D cooler Pro
فدار فرق معقول على حسب السرعة إلى تحطها ..تقدر تتحكم فيها من 2000 دورة فى دقيقة إلى حد 4000 دورة فى دقيقة ... المهم الفرق مكانش كبير هلبا ...
زى ما شيفين درجة حرارة الجهاز من الداخل 43 و درجة حرارة المعالج 63 درجة طبعا المعالج يخدم بكفائة 100% كنت فاتح Doom3 و بعد معدلت سرعة المروحة عل 4000 rpm نزلت الحرارة الجهاز ل 38 و المعالج ل 54 درجة يعنى المعالج قريب 10 درجات....
لكن أهم حاجة المروحة الخارجية إلى دير فى فرق مش عادى بكل يعنى تركب فى المغطة تبع الكيس و تضرب عل مروحة المعالج رح تنزل 10 درجات و أكثر من حرارة المعالج
فزى ماشيفين التهوية مهمة حيث إلى خلانى إندير هذا كله هو ان الجهاز يوصل مرات لل 70 درجة مئوية فى أيام الصيف الحارة و يدير فى ريستارت restart ..
طبعا الجهاز لاكن ولا دوشة هلبة و لازم بش ترقد طفى الجهاز ..
و حتى الهارديسكات إلى يلفو بسرعة 7200 rpm راهو حرارة مش عادية يوصلو مرات ل 60 درجة يعنى لما طفى الجهاز و تقضة قريب تقدر طيب على الشاهى فلازم الواحد يركب مروحة بش يبرد الهارديسك ولا يركبة فى مكان كويس مش ضيق يكون و يكون متصل بللكيس بضادوات الاربعة بش يزيدو يوزعو الحرارة ..
فى طرق ثانية للتبريد و هى عن طريق المية لكن مجربتهاش لما نجربها توا تكتبلكم التفاصيل
مشكلتها مكلفة شوية ....
0 التعليقات:
إرسال تعليق